給我愛過的朋友們

2006年12月26日台灣地震震斷電纜，國際通訊大災難........
沒法上網的日子，我的不安情緒十分嚴重，好像同全世界失去聯絡咁，真的嗎? 諗清楚平時我每日只是不停工作，真的有每日抽點時間去關心他們嘛? 的確沒有。但唔知點解上唔到網，開唔到msn，開唔到yahoo，我個腦子不停在想他、她在做緊什麼呢?出面發生緊咩事呢...? 好多個疑問給自己，其實電話還可以打通給對方呀，但我沒有做到，lazy! 已經唔識開口跟別人說話，連開口講o野都係係到賴。其實我真的好愛我現在的朋友，好多時我都唔識用個口或做點事令他們感受到，我唔係一個浪漫的人，住住過於實際的。但今個x'mas 我決定做左一件事，就是係今年x'mas期間會見到我愛的朋友們送一份小禮物，唔係是但買，我真係為他們去揀的。我不是想收回什麼禮物，只是想多謝他們這年來對我的照顧同愛護，小小心意。其實在買禮物的過程同送俾人的過程，我真的好開心好滿足，我還了解他，我們還是好朋友。

朋友們唔好再問我生日想收到什麼禮物，誰是真心對我好我知道的!

知道嗎...

你知道嗎?再見你，我的感性與理性不停在轉.............

--------------------------------------------------------
我好愛你

歌手：王菀之 作曲：王菀之
填詞：王菀之 編曲：the invisible men

開心因我遇上你　傷心因故事太美
相識已是種福氣　相戀締造了傳奇

開心因我望遠處　傷心因約定太遠
天空降白色的雪　收起眼淚不肯說穿

我好愛你　需要你
我得到你　怕失去你
緊緊擁抱過　傾心相愛過
然後結果不想太多

你心太美　好愛你
缺少氧氣會失去自己
他朝不理我　清醒不算錯
唯願痛苦一拖再拖
我好愛你　需要你
我得到你　怕失去你
緊緊擁抱過　傾心相愛過
然後結果不想太多

你心太美　好愛你
缺少氧氣會失去自己
一生都銘記怎麼講愛你
融掉了打開的心扉

我好愛你　你好愛我

top 1 @ CaR MeN i pod nano

勁開心

今日好開心好久未試過咁開心。

今日玩左個朋友e forward俾我幾攪笑的心理測驗，同左幾個人玩完聽了d開心說話後，
放工搭車回家時，收到一個好久無係我手機出現的名字"vicky"。

好開心呀!!! 我個好朋友呀! 我真的好掛住佢! 知道佢去左蝴蝶灣，我馬上過去找佢，一見到佢就來個抱抱，畢左業之後我都沒有機會見到佢，後來佢又過左英國.... 好遠....，英國係我心目中只得公司d貨還有佢，hahaha....

見到佢還是常常笑的，開心的，樣子精靈的，我已經很開心。
雖然今次見面時間好短，見到佢我已經好滿足，勁開心..... 有返佢個e-mail，可以同佢msn，我不雖發夢時才見到佢... heheh.....

-------------------------------------------------------------------
我今日玩的心理測驗

如果有一日你去左海邊游水 ，你會帶咩海洋生物俾我呢? 只可以帶一樣俾我的。
1. 小魚
2. 鯊魚
3. 海馬
4. 海星
5. 章魚
6. 珊瑚
7. 貝殼
8. 海水
9. 珍珠
10.海豚

想知ans問我啦! heheh.....

痛 ● 苦 ● 找死

唉... 我個胃又開始痛返大鑊...... 又有排痛..........................
又咩都唔食得 :(

近排d 情緒好差，成日都覺得depressed ，但又冇咩唔開心事發生過................
可能近這幾個月不停咁忙呱........ 我應該要多點出去玩..........

133 電話又打來，又係成日唔出聲，喂就馬上收線，隔2,3個月就打，你係唔係玩o?，你一起出聲俾我知你是誰，一係唔好俾我查到係邊個... 想找死。

女人! 你嫁得出啦!

我的好姊妹"女人" (我對朋友k的稱呼)終於嫁得出，我真很開心，她終於找到個她又愛他，他又愛她又鍚她的男人。
好希望他們永遠都幸福快樂，開開心心咁做個幸福小女人。多謝你話我是你最靚的朋友啦! (真唔真心我都當係o架啦)我會努力咁減下肥，做你的靚伴娘...... 其實我個人咁低調又要我穿都咁靚，好難想像我會咩樣...... 見係你 - 女人...冇法啦，鬼叫你以前同我講過，如果我係男人你會追硬我這句說話，今次做伴娘還返俾你 hohooo.... 但好似唔記得問你有冇型仔伴郎..... shit... 好期待你穿婚紗個樣，我好怕我會見到你這個樣我會開心到喊...

給自己的半天假

這一個月，我的身體開始向我發出一些嚴重警告。
知道了，我一定要俾自己休息、娛樂、愛自己...

昨日係weekend 有半天假，我拉朋友e 去睇"artists and their models", 我話過今次我唔可以miss 左這次exhibition, 所以決定去睇hocc concert 前去睇這個exhibition.

好久冇睇exhibition啦，今次朋友e 推介我租audio guide set，一邊睇一邊聽，會了解得更多。
果然係，望住幅畫聽住個artists 背景、時代背景、artistis and their models 個關係，完完全全感受到他從畫畫去表達對models 那種愛、那種瘋癲同那種了解。感覺真的好正....... 睇人像畫跟風景畫、抽象畫等很不同，可能人對人的表達那種感情，容易點感受一點。models 唔係什麼大美人、超型男，他們的畫像樣子睇起來可能有點怪，但我很喜歡。而我最喜愛這幅畫 caroline 1965，alberto giacometti (artist) 在他差不多60歲時愛上一位20幾歲在酒吧認識性格狂熱的少女(model)，他為這戀人畫左20多幅肖像，這幅可能是此系列的最后一幅，因為1966 alberto giacometti 已經離去。alberto 只在她的臉上不繼地重覆地描繪及油彩在中心逐漸加厚包住她的上半身，給我一種他十分愛她及保護她的感覺。是否真的這樣也好，我的感覺是如此。

看完這幅畫后，我都好想我愛的人幫我畫一幅肖像。我一定會感動到喊....

睇完exhibition靜態的娛樂後，就去左睇hocc live in unity。

全世界都知我除了jay，我都是hocc超級粉絲，愛她什麼? 愛她的音樂及個人風格，就是這麼簡單。 由<天使藍>開始喜歡hocc到現在，終於等到她的演唱會。加上去年"梁祝"舞台劇她那精彩表現，令我十分期待。沒令我失望，這個show我俾10個"勁"亞詩! 她一個人可以完完全全壓到台，好有大將之風，only睇一個女子唱<鐵幕誘惑>還唱得入型入格，拍得住aaron就知。勁! 我睇$200都企係身跳住睇都睇左半場(瘋狂狀態 -不停尖叫...不停跳... 已經失聲)，亞詩好勁呀你! 跳得勁，唱功勁.. 看完這個show 我更愛她 ，不愧係梅豔芳徒弟。睇完這個show我才知我真的係hocc瘋癲盟軍基本上我得一隻歌唔熟，我隻隻歌都識唱。原來對她的迷與jay差不多.....

雖然weekend 係我一week入面最累的一天，但半天假裡做了我最愛的娛樂，感覺很滿足的;-)

累爆

累累累............... 今日cwb shop 終於開，好型間shop，正! 又通頂set display 都值得，雖然我偷懶多過做o野.. heheh....

我覺得體力數值開始到個位數，3個月不停做o野累爆... 散哂........ 希望這些日子快點過:-/
重新... 再為自己打點一下。

遇見

今日我又再遇見他, 同學C。每當我遲到趕巴士時我總會走到他家樓下的巴士站等返我原本搭那班車的。早兩年幾前，我搭259D 返工時我都遇見他等同一班車，但是他好似唔認得我，唔認得我不出奇，現在同讀中學個樣相差咁遠，靚多左咁多... 呵..... 但希望不是他怕或者不想認我啦。今日我站在他隔離等巴士，起初我都不知是他，因為他背住我企，我都是他望后看看那小妹妹在幹什麼時我才認得出是他。那時其實我想叫他，但這幾年見到他的樣子都是一樣，沮喪中... 令我有點卻步，唔知真得沮喪，還是俾個社會摧殘到咁... 都冇可能咁多年都係咁個樣o架，其實我好想問他做咩事呀? 點解同我識你時個樣相差咁遠或是你每朝早的樣子都是這樣?下次見到他，唔理咩樣我都會叫你的。

擔憂

當一間細細的公司越攪越大間的時候，同時你係這間公司的發揮會越來越大。當然要得到老闆睇得起你俾機會你啦，否則這個時候公司應該有錢，老闆可以用錢解決所有問題。出得錢老闆想做到怎樣，自然有人出來可以令老闆一點煩腦都冇就可以達到老闆的要求或者更好。這時候還在公司辛勤工作的你危機開始出現。這種感覺係3,4個月前我已經開始有，我不是對自己冇信心，我又不是係這間公司一點價值都冇，而是我有一句說話常在口邊"這個世界冇話冇左邊個係唔得的!"，今日公司的環境需要或適合你生存，但這個世界不停進步，老闆今日要求自己的生意不停發展，身為他的員工，他俾得錢你，你當然要付合他的進度及要求啦! 否則，他可以隨時踏你走。如果你很喜歡這份工，只好令老闆覺得你很有生存價值。我成日都想再讀書去增值自己，不是只是在公司內辛勤工作就可以，都要看看現在出面的世界是怎樣，提升自己，不是只是為這間公司，雖然我很喜歡在這裡工作，如果我要走出去再同人爭份工的時候，我會多點把握。但係現在家的環境不可，只好在freelance 上得到更多經驗同時可以賺多點錢。
前2日，我同其中一個老闆傾計，他跟我說公司的將來發展同大計，他說: 想將我推上去!........ 什麼?推我上去死呀? 我當時咁諗，但我冇講出口啦當然。他馬上就話唔係推我去死(他好似知我諗咩咁)，想對我要求越來越多，配合他們的發展..... 點點點點.... 如果覺得自己唔夠知識，我自己可以買書睇或者去讀書，然後公司支助我。聽完他一大段大計同這翻話後，有點開心，是因為他們的大計中，都想我跟他們一齊參與。之前的憂慮現在可以減了一少點啦，始終都係這句"冇話冇左邊個唔得!" 我會加把勁去想想怎樣可能自己的生存價值高點。

一句說話

近排又回覆返瘋狂工作的我，返工係咁做，回到家又係咁做，放假又係咁做........ 冇法啦..... 累爆.... 我開始要飲咖啡，好彩近排個胃ok，冇咩事，飲咖啡都頂到。每日機械式咁趕返工，爬上山，做o野......................爬落山，趕返家又做o野........................ 睡覺，跟住起身又不停repeat又repeat。係我選這種生活方式，我唔會申，亦不會討厭它，但有時都有一兩分鐘問自己做咩要咁辛苦自己呢，點解又唔俾自己放縱下呢，逗下自己開心呢.... 但問完我自己覺得點解要咁做呢... 爭取多點時間做o野，換來多點時間去休息還好。我永遠都唔會對自己好點，所以成日攪到自己灰灰地咁。今日朋友b 講左d說話逗我開心，只係用來逗女仔開心也好，係真係假我都唔想加以去諗，不過我會記住你所講的。一句說話都足夠令我開心了幾小時，至少令我今日生活多返點顏色。

祖祖

今日ctl new shop 終於開，昨日set 場到今早4.30am 才回家。11.30am 又要返office 爬上山，真得很累。已經不及以前体力了.... 累爆.... 但今日發生件事令我精神返哂，是終於可以俾我見到傳說中久唔久來我公司間shop全香港女仔都覺得佢型仔的"吳彥祖"!!!! 呵!!! 一身便服cap帽，都覺得佢好型仔... 哈.. 電視電影成日見到他，真人真的第一次見... 如果係shop 可以見到 jay or 劉華，我一定興奮到爆!

周董的魔力

周董的魔力每次都被他迷到.... 識我的人都知我係周董fans，基本上佢一出碟未派台我都會買佢隻碟。今次<依然范特西>這張專輯，起初聽落冇咩感覺，都是杰倫的曲風，冇咩驚喜或者一聽就喜歡的歌曲，感覺好比之前的專輯較平平一點。但聽了好幾天后，發覺感覺不是，越聽越有味道，好似有種吸力令你融入左佢的音樂內，就是這種感覺.... 就是我愛他的音樂原因。成熟左，"內歛"左，另有一種味到。<千里之外>同費玉清的 crossover 相被香港的陳慧琳N汪明荃<自由女神>來得更驚喜，更成功，感覺很正。方文山的詞不用說，都像詩一樣的感覺，但我更愛周董填的慢歌歌詞<白色的風車>，可能大家都是山羊座的關係，對他的睇法感受強一點。進步改變是好的，但很想再聽到周董有<黑色幽默>那種曲風的音樂，依然期待中....

P.S 買左ipod nano 10 日到出左出 new ipod nano..... 灰.. 算啦 我都唔會睇movie..個mon咁細我會睇到暈，just only 聽歌，我又唔會買彩色，只會買我愛的 black colour!

體驗

早幾日同阿媽行街，阿媽同我講我終於實現到我細時的夢想。我估唔到，她還記得我細個時所講的說話..... 真的有點意外。

我記得我細個時話過，大左要係中環返工，現在我真的有機會了。
我都唔記得那時我有幾大，我這樣說是因為當時我覺得中環返工的人才是又有用，又叻的人。穿一身很靚的衣服，一幅專業的樣子，享受高質素的生活。好明顯我被電視劇集薰陶得好勁，大個左知道自己要的是什麼后，我已經沒有這樣想過。想不到我現在這份工office會搬到中環，都算係實現到我細時的夢想啦。雖然唔係那些甲級寫字樓，只是係我公司間new shop 的閣樓成為我們的office，又不雖要穿得好像他們一身formal dressing咁返工，但我都會好好去享受同體驗下中環人的生活方式。

現在返左三日中環，我只是覺得每日都在競技... 由起身開始競到回到家。
第二樣是office 太靚，好似返到家咁，因為所有furniture都係公司d stock... 別人買回家的furniture，我們用來做office furniture，你說似在家嘛... no.... 應該是 真正的homeless才對。

last day

今日係tkw 返工的last day, 亦都是與59x四眼仔last day 同一班車，好可惜今日我見不到他...

tkw 對我來說一點沒有留戀地方，只有回憶一兩件自己的私事...

但59x四眼仔我真係有點不捨得....
我遇到這個人大約半年之前，我們同一個巴士站等車，起初對這個人沒半點留意，或者可能我們遇見的時間還更早。我習慣望住巴士往來的方向等車的，我記得有一日我發現排我后2個那個四眼仔，係咁望過來，我心想你望那個呀，攪到好唔自然... 之后，每次等巴士時我都留意這個人，我發覺不論他排我前或后都是向住我個方向望過來，或者係等緊巴士時，已經向我走過來的方向望住。每次上到巴士，佢都會坐我後面或者斜後的位，不論我坐巴士前、中、后，除了他上車先過我啦。有一排佢坐係下車門口隔離的位置，我等下車時，他又係咁啤住。半年這個人都係咁....... 到了昨日，他排先過我的，他坐了下層，點知我上了上層坐開始想食早餐時佢上左來坐左我隔離..... :-/ 太遲了.... 這個遊戲已經冇得再玩了.............. 今日我last day搭59x返工，但我今日又見唔到你... 可惜.....

一向認人很差的我，唔知我係街見到你時，我會否認得你呢?

戀物狂

昨日同朋友e 食dinner, 飲左杯beer，舒發左自己部份灰爆的心情.... 個人開心返d。不過心情都係差.... 見到我部mp3... 更想哭... 唉.......... 我真係好愛我部mp3或者佢係我第一次抽到份最貴的獎品賣左出去換返來的luck東西。見到佢現在咁個樣.... 好心痛.... 它不是第一個令我對死物有這種過份反應的，就好似前二個月我部手提壞左，所有電話入面的record全部都keep唔返，我d message, 我d voice record 冇哂，真係好想喊.... 我咁愛它點解要咁對我，好狠......... 點解一d 回憶都唔留俾返我，要我完完全全咁忘記同放低。
我越愛的東西，永遠都是對我狠的東西............................................................... 灰

灰爆x10,000

灰爆灰爆灰爆.................................................
好唔開心.................................................... :'(
隻眼已經唔好，雖然醫生話我冇事，是正常的，但係都好影響我工作，已經唔多開心。
已經灰左成個星期....
今日我第三命根，mp3 機，都要離我已去..........
個cover 爆左，合唔到入電個cover位.....
長途車返工的我，冇左個mp3等於叫我受死，搭車時間係我一日內除了沖涼睡覺最得到休息的時候。但車上太多人講家事，講是非，還有好噪的road show, mp3機才可以令我安靜咁享受我愛的音樂及休息。係你令我可以愛我自己多一點，但你...... 點解連你都要離開我o丫.............. 我望住你的遺體........... 我已經忍唔住........... :'( 你實在太忍心............ 好傷心....

ps 點唔開心都好，我都要特別多謝朋友d 陪我睇醫生，我一個人真係攪唔掂。

曼飛化@MP3 ~ TOP 1

這被愛新鮮感　我自細多得很
你沒有多少責任 十個他情難自禁 無情白事亦會發生
低調但是勇敢　無聊寧願放棄樹林
由途人輪著坐　空了熱?
我很無奈　但愈近的愈愛
其實我相當精彩每一位從無名份也有過千般寵愛
愛多麼的多　為何這麼多　
他暗裡要為我將功補過　
男人的想法實太傻　根本不知怎叫過火
身邊許多　奇樹這麼多　
天邊一個　愛護再多　也未夠多　
我別去想　別惹禍　不記大過
有特怪跟普通　我遇過幾多種計落也都不算窮
悶到底何妨被縱　由人妒忌亦算有種
孤獨並未會懂　而全人類卻有認同
在我心留下了　一個熱哄
我很無助　但助我的萬個
無論我怎麼坎坷 我這麼一生仍在你眼裡相當不錯
愛多麼的多　為何這麼多他暗裡要為我將功補過
男人的想法實太傻得不到先給我最多
身邊許多　奇樹這麼多　天邊一個
愛護再多　也未夠多
要是拍拖　我只想　一個伴我


唔好問我點解係top 1

Death Note

我總覺得人本身有一惡念，只是你自己EQ有幾勁，社會環境有幾多壓力，或者發生一些事情或得到一些不可思議力量，會否引發出來。昨日睇左DEATH NOTE , 真的幾好睇，睇住阿月同L鬥智鬥力，好緊張... 阿月本身以善良之心去打救這個世界，點知最后邪惡到.... 還可怕過死神。我念過如果得到這本DEATH NOTE，我會寫我自己，寫自己幾多年后中左史上最勁的MARK SIX頭獎，之后投資成功變左大富婆，部份錢作為捐款，部份錢研製葯物，結婚，生仔，環遊世界，有健康的身體，合乎正常的生老病死。到最后係在睡覺時不知不覺離開這個世界... 咁就GOOD.. HAHAH.. 發夢中...

去警局

今晚同平一樣去跑步的，點知man架愛驅又俾人偷，好彩今次只是被人剪斷條鎖鏈，愛驅就偷唔到。繼3個月前除前輪同把鎖外，全車被小偷換走左后，man 的黑氣又返來。深深不憤的man要求報警，我同J朋友當然留係到陪man啦，同睇下有冇型仔警察哥哥.. hohooo.. 我第一次入警局，冇咩感覺，同電視睇一樣，好想入去入面睇下，但只可以一個人陪man，我就選擇唔入去同 J 一齊出面等佢。很多警察問我o地坐係出面就咩.... 答了好多次"等我朋友落完口供出來呀................................!" ....幾想貼張紙出來............. 型仔警察就冇，ok樣啦，但我見到 新紮師妹入面失物認領部的媽媽 中年女警 ，坐係報案室處做o野... 好攪笑.... hehhe.... 黑仔man 你都係去轉一轉運啦，成日都被人偷o野...... :-/

人生一個大決定

今日參加亞媽的浸禮儀式，是我第二次參加這些儀式。沒有宗教背景的我，見證一個又一個的受浸者作出人生一大決定，我覺得最主要係每個人的堅信有多大。決定終生去信奉一個神，同決定要嫁娶你愛的另一伴，或者決定生小孩一樣，係影響人生一件很大的事。不是草率去決定，而是決定後要對你的決定終身付責任。我家兩個家族的人都是信奉基督教，由小到大接觸一些人生大事時，結婚、受浸、葬禮都是基督教儀式的，你說對衪不認識嗎? 又不是... 你說對衪認識嗎? 又不是... 或者我對衪未去到那一種完全去信任或者想去認識。我不是說衪或這宗教的可信性，而是我信任我自己多於一切。好似今日一個見證者分享時說他以前是信自己多於信任任何一位神，當他在這個社會做事要面對這個恐怖的都市時，以他的智慧同知識是不足以應付，是神賜給他真正的智慧後才能夠去面對這個社會，所以佢相信衪。我不排除我有一日會感受到他所講的智慧，可能係某一個宗教的神，或者他/她帶給我。但現在的我是相信自己或他人的經驗及知識。我覺得對於這種信奉的決定是對一個媒體上作出終身的寄託。但怎樣都好，我都希望媽她信任的神能帶給她開心的生活。

多謝

其實近排心情好差，壓力好大，想找個人傾下，但人又太累，根本唔想講o野。就算見到好友都唔想提，大家各有各自己事煩，可必要迫老友聽我講o野o丫。唉.... 今日係office最累的時候，同朋友D msn 左一陣，現在感覺好了好多，俾他的說話攪到我有點眼濕濕，多謝你的support!

螢火蟲

今晚跑步時睇到螢火蟲呀! 好細好細隻的。第一次見咋! 係龍門居對住那條河的橋底附近的草叢....
好螢光的! !heheh........

long time no see fantastic 好兄弟^^^^...

一睇這個造型，都知睇左softhard 啦! 軟硬軟硬我o地支持你!! 現在提起個演唱會，心情都係好高漲! great show! 太勁啦! 我都唔知講d 咩，我只覺得佢?今次由promote、design d product、d 歌、出cd、演唱會o既內容、佢o地d勁舞等等，每一樣都計算得好好，做得好成功。講真大家買飛時那一刻都不知道他們會表演d咩，talk show? 唱歌的? 做節目? 冇人知，但大家都覺得，softhard 一起的時候=好睇!值門票價! 我已經帶住會好好睇的心態去睇這場show，睇完後我都覺得比我想像中更加更加好睇，睇到最後時，真的想唔走唱住"encore......encore...喂我冇哂歌 安歌安歌哎到傻台下個個附和 冇歌唱又如何 我要多得你地玩我......" 我都好久沒有這麼high了! thanks, softhard!

手信

今日收到朋友d 給我的手信，我好鍾意呀! 睇這幅相知道是什麼嘛? 你可能問我點解會咁鍾意... 我就係鍾意這些o野，有design過的，冇美化到的，奇怪有趣的東西。係!我就唔like美麗的東西.... 我慣左俾人話我怪o架啦。我唔捨得用佢呀，我會諗下點可以利用下佢，除左佢正常用途之外，例如... 打鬆d實左的肌肉，不過又好似好痛咁... 等我再諗下.....hehe..

多謝你的手信! 都是你最知我喜歡什麼。

喊包

man 話有個forum 有小丸子真人版睇，我走上去睇睇啦，以我性格一好睇就不可收拾，所以一晚一次過睇哂。真的幾好睇，幾感人，小丸子喊我又喊，她笑我又笑。 係呀... 我就是這樣，唔好睇我平時咁，實不相瞞我係一個大喊包，細細個已經係。細個時好小好小的事不利於我，我會開始扁咀，這時候我老豆就會同我講 "我覺得你扁咀個樣最靚，我好鍾意你這個樣.." 哼... 即是我平時唔靚女啦... 聽完我就好嬲，就即刻會喊出來，一邊打我老豆，一邊喊。日日都會喊，喊到塊面"爆擦"，兩塊面紅哂... 阿媽話我係一個大喊包。我點喊包都好，由小到大，我都唔會係條街到喊，除非我失控或者係我好信任的朋友面前啦，所以好少人見過我喊。大個左當然唔會小小事就喊啦，不過每去到感到位，我就忍不住的。睇cartoon, ?視，戲，一到感動位就會喊... if 當時係家的話，我就會失控.... 地喊... 現在都係咁，可能因為現在面對得太多事，壓力大，發洩情緒啦.... 其實我唔想咁，但有些因為我性格問題。

我細個個樣都有點似小九子，我找下張相再post 上來.. 呵...

跑步篇

自從冇讀中學後，我都冇跑過步，除左61x外，所有車我都唔會追的。今晚同朋友m & 朋友j 跑下步傾下計.. 雖然我跑兩跑停一停，但出左一身汗，感覺好舒服。

私房菜

聽聽師傅講社會險奸　都可得益千萬
實太抵讚　絕對不懶
未見不散　夜半也落單...

今次我真的遇到，不是在茶餐廳，而是一間法國私房菜。
這間私房菜是我第二次去了，真的好好味，個廚做左十幾廿年酒店廚師，後來自己開間私房菜。o的食物真的好好味，又唔貴，有機會我一定再去。當我o地食到第十二樣菜，我最like 的"心太軟" ﹐正!!
個廚師開始走出來同我們吹水，講社會險奸，講他的history....... 講呀.. 講呀 講成個鐘都有。不過冇所為啦，都可得益千萬嘛.... hehhe... 今次可以齊人同朋友e & 朋友a 慶一慶佢o地生日再加那麼好味的一餐，真的很滿足。;-)

興奮過後後遺症

落bar 睇左一場好精彩的德國對阿根廷世界杯，去左海浪公園，再睇多2場英格蘭對葡萄牙及巴西對法國後... 係好好好好好..........累的。之後我又將我自己收起，同所有人斷絕聯略。 點解呀??唔想講o野，唔想諗o野... 成日都會咁... 近年情況越來越嚴重。可能壓力大，情緒好多時都會失控。朋友們，你們要小心我啦!!!

破紀錄

我一向對足球沒什麼大興趣，每一次睇波我都睇唔夠十五分鐘我就覺得悶，想睡覺，今年世界杯開鑼之前，我同自己講今年一定要最少睇一場完完整整的賽事，破我的紀錄。

昨晚我跟同事們第一次落bar睇波，巴西對加納。同事話教我睇波，什麼越位呀，咩插水呀，點解要俾牌，點解十二碼呀.... 嗯嗯... 我真係唔識的.. 整場波一邊教一邊睇，聰明的我當然一場波已經完全明白佢教那些o野啦! 如果問我好唔好睇呀場波?..... 唔知好唔好睇呀，不過雙方都有十幾次射門，我都唔覺得算叫悶o既，加上咁多人一齊叫，的確是開心點的。始終我都沒睇 NBA 那種投入程度，有待改善... hehhe....

可愛 VS 扮可愛

可愛這個詞語，我只能放在天真無邪的小朋友或者小動物身上。間中都可以放係成年人身上，不過只是因一些事情令他們表露出童真的一面的時候，不論是男或是女。但24HRS 都不停可愛的成年人就 NO WAY! 基本上我很討厭都年紀不細但賴可愛的人，什麼咩咩教主....... 厭爆，一句是我性格問題。

最近公司來左2位新同事，一位女SHOP SALES，一位女CLERK，二位都是走可愛路線的。SHOP SALES 年齡跟我們一樣，經常突然間係O的客面前做出可愛動作及可愛的音調，但好明顯係扮出來，我和她工作上沒有什麼大關係，及我很少落SHOP，所以她工作上那些扮可愛我還未能太感受到，但平時跟她閒談兩句時都有點頂不順她的可愛。跟她一起做事的同事，每日都被她的可愛弄得瘋癲，真可憐......

以為脫離危險的我，都是逃不過這個命運。新來的CLERK，22歲左右，出來工作都已有3年了。她主要分擔OFFICE 的同事工作。來了4日，我開始頂不順她那24HRS可愛攻勢.......... 最可怕的她不是扮，她的性格是這樣，永遠將她天真無邪的樣子跟你一起工作。好似今天她突然高興地拍手對我說: 好O野!! 我對到條數啦!! (超燦爛的笑容)
........................................................................一..一" (我當時的心情)
心想: 你都好似廿幾歲人我媽好似你咁大時都生了我啦..... 初中的我都不會有這些行為.........

難頂好難頂呀........ 只是4日，我已經頂佢唔順，我點樣遲點俾我的工作交俾佢做呢.................灰爆

natural high

今日 man 生日，約左E朋友 N L朋友去左一間叫 FAT ANGLEO'S 餐廳食DINNER，正! 好好味，飲左杯紅酒，一邊傾計一邊飲一邊食一邊笑，食得很開心.... 好久冇試過真心笑得咁開心，笑到個胃到痛.. hahha.... 連冇飲酒的 L N Man 還high 過飲左酒的我 N E.... 真正的NATRUAL HIGH

要喜歡而去喜歡

睇左朋友e個blog，寫左我問她一句說話，"是否怕悶、想拍拖，就找個人去鍾意?" 這句說話我其實由我忘不了他后開始問我自己... 是真的喜歡他，才忘不了他嗎? 為可還要這樣問自己? 是因為跟他一起時，我知他根本是個不合格的bf，而且好多時我覺得他是我的一個翻版(o的衰o野)，但我一直都冇去介意過，俾自己一步一步咁踩得越深。到后來我發覺我忘不了他的時候，我就開始問自己這個問題… 真的怕悶，找個人去寄託，去花時間同精神去愛一個人? 后來我發覺唔重要啦，一開始識他我知我不應該喜歡佢，到發生咁多事后到現在，真的喜歡了他，我承認我輸了給他，輸了給我自己，我都無悔過…全世界的人怎樣說都好，沒人清楚得過我自己要什麼… 還有時間輸得起，花得起，嘗試吧! 結果有可能不是大家所想呢! 最后結果怎樣都好，我可以肯定說我不會后悔。

重遇

換左個新look後第一日返工，返到公司樓下大堂，o衣... 型仔courier，好幾個月沒見他，我以為他已辭職或者被調配其他地區，見到他真有點突然，那時大家互相對望，有點不自然，我們好似識又好似唔識咁，有點尷尬。記得我入去現在這間公司做沒久，有一次我要寄大量膠匹上大陸，很多courier都不肯收我order，我打到他公司只好落order 時說些大話先肯上來。他上到來時都沒有什麼特別，o的貨好重office 又有倉又有，公司又得我一個人，我起初都怕他不肯跟我搬，點知他有十分落力幫我搬到出倉門口，突然間我見到他的樣子十分認真，我從來沒見過courier 工作時咁認真的。他口裡不停咁分析那些膠匹是那一類，然跟我說他公司可能不肯收這類形的貨物，他又不停咁幫我計那些貨的重量，左計右計... 左想右想... 他最後他想了個方法幫我運走o的貨。其實那刻我冇聽到他的分析，我只是被他那好認真工作的樣子吸引注，加上他又幾型仔;-)..... hehhe... 跟住他還一格格教我填那份order form，其實份form反轉我都識填啦，當然由得他教我啦，他還留低他的手提給我，有什麼問題隨時可以打給他。hahha... 我都未見過courier 咁多時間接一單order 及咁認真，前前後後佢都上來我公司3,4日先收完我這批貨。這件事件後，我發覺我成日都會遇見到他，原來他是派件是派我公司那條街，當然有時都會派件到我公司啦，之後我們每次見面時都會打招呼，閒談兩句，有時放工我又特登走去他收他公司order 的地方碰碰他，say 個 goodbye。3,4個月後有一次，我又係公司樓下大堂見到他，他個樣很尷尷尬尬咁，望我一眼後回避我的眼神，攪到我都唔知點好咁..... 之後好少見到他...最後消失了。今日又再遇見他，我見到他望著我好久，但我同事又不停咁跟我談話，入到 lift ，大家互相對著企，大家都想打招呼時，我同事又不停咁跟我談話，其實那時我好想跟他講句"很久沒見"。到了下午我去完銀行回到公司樓下等lift時，我覺得遠處有人望住我，我一望，原來是他，換了便服的他坐在一角講緊手提，他不停咁望住我... 攪到弄到我尷尬.... lift 那時打開門了....

不知那時我們又再重遇呢...

Project runway

最近迷上project runway，可能因為同design有關，睇了第一集後就停不到手了。係season2，第一集見到daniel vosovic就覺得佢係冠軍了，直覺。24歲男孩，學生，16個designer 入面我最喜歡他的衣著品味，加上他的樣子，已被吸引住。而事實上，我真的幾喜歡他的style，每次challenge入面他設計的衫，大多數會被我選入三甲內。而我最喜歡他用蘭花的相片去設計的那件衫，我覺得蘭花那種的美態，能在這件衫到完全感覺到，不是只是將花的外形搬落件衫的設計上。這件衫也令他得到這次challenge的第一名，勁! season2的結果我都知道了，雖然他不是第一名，但24歲學生的他能打敗其餘14名fashion design teacher, designer, student...的參賽者， 我覺得他真的好勁，好有潛質，希望他越來越多機會增加更加多經驗，很快可以係時裝介打出名堂。

見他們接受跳戰的情況，由得到個題目，去設計，找材料，做的過程，到被人去批評你的作品時，令我又回想起我讀part-time graphic design時，一份又一份的功課給阿sir 去批評時的心情，完全明白他們當時的感受。遇到差的評價，你怎樣去接受他的意見，再去思考，再去改進。遇到好的評價時，你心?面的那種喜悅。之前的過程有幾辛苦，有幾苦惱，你都會覺得是值得及開心的，是不會忘記的。還記得我份final project 時得一個月時間籌備，每日都要返工，工作量又多，回到家又要去應付個project，那時一日最多睡4個hr。oh.... 但到最后結果，阿sir 同所有同學都很喜歡我的design，說了很多讚美的說話。他們讚美什麼說話? 我真不太記得，但我十分記得那種喜悅感覺。是覺得感受到什麼叫做真正的"開心"。真的被人認同接受去到喜歡的程度，再加上enjoy成個design 的過程，那種感覺喜悅的心情真的很難去形容。希望我可以除左design外，可以係其他方面可以再得到那種"開心"。 ;-)

i love daniel

海下海

海下灣，想去好久，終於去到了...

去時候沒什麼大期望可以睇到什麼，因為時常話香港的水域受到污染。上到船一支箭咁飛到去珊瑚區，嘩... 好驚呀... 我怕水的嘛，還要坐那些船仔，驚還驚，我沒俾船家睇到啦，俾人笑的。
珊瑚呀!!!! 真的是珊瑚，好好好好....多呀... 我沒想過咁多，雖然顏色不太鮮艷，但都好興奮。再加上珊瑚魚、海參及路人甲乙丙的海草，感覺好奇妙.. 同陸地的感覺好不同，是不同的世界。我第一次咁親近，平時最多去下海灘見到o的貝殼呀，最勁都是係海浪公園見到那些啦... 但今次感覺好唔同。爆!! 跟住去到海膽區.. 真的好多海膽，好大粒... o的刺好長... 好cool，好型，但幾生人勿近feel，除了石唔多見其他生物，不知是否剛巧或是真的生人勿近啦。

上船后去到沙灘，因為水退好多海上生物留在岸上，最大收獲是見到海星呀!!! 見到佢郁郁下，好想閃咁，可能我?打擾到佢啦。hehehe.. 好多好多好翠綠的海草.. 好想馬上食左佢，試下同平時我們吃的紫菜味道有什麼不同，呵...

特別多謝盧同學帶給我們一個快樂的下午。

掛念

[掛念] :心中繫念。

真的很掛念... 怎樣都做不到 <愛你變成恨你>...

欠佳

今日心情非常差，一來天氣，天氣對我來說十分影響我心情的。第二件事，是我家的電腦，他連續二晚 同條broadband過唔去， 不停斷斷下... 太過份啦! 他對我來講是唯一的玩具，你要咁對佢... :'( 原本我只是有點火，但係俾你攪到想... 唉.. 你可以同佢和好嘛... 我同wyman 一樣有<壞電腦恐懼症>的。第三件事，不知為什麼，我今早一起身好掛住他，好想見到他。一切都夠了... 我己經提唔起精神做公司的工作。放過我好嗎?

4.40pm在公司偷懶中...

老地方~ P記

經過一連串密集式活動，我已經很累....

為什麼? 一切為了逃避，逃避自己有機會去思想。累了，係時候乖乖地去面對.....世界一切，那怕會如何，全心保存真的我~

對! 保存真的我! 少了個記托，少了個牽掛后，發覺自己之前真的忘了自己。要重拾自己，做返自己，應怎樣做呢? 見到朋友E手上的一本Wyman新書，對! 第一個尋找自己的地方P記 (Page One)。

一入到P記，心裡很興奮，"他"是我永遠的最愛，不過每次只限我一個人跟他約會，否則我本性(有異性無人性)完全表露出來。

一支箭走到賣graphic design 書的地方啦! 嘩... 原來我真的好久冇去了，書架上的書好多我真的未見過，看呀.....睇呀.... 翻呀... 好重呀!!! 本本都同黃頁沒分別的厚。開始覺得很累，原來我已看了成個鐘，好想回家，但還有好多很吸引的封面不停叫住，睇我啦.. 睇我啦..。但我真的很累，到最后我想買2本書只買到1本 <俗> wyman本書.. 慢慢睇... 因為我係一個睇書好慢的人，放係公司都是一個不錯的地方。

愁人節

愁人節
歌手：謝安琪
作曲／填詞／編曲：周博賢
監製：周博賢／小池石良

手腳冰冷的　筋竭衰老的
晚間借宿於街角的　對佳節有否興趣
失去依靠的　早晚空肚的
猛火裡丟失所有的　誰又來問暖一句

大節日裡　願望有伴侶 但在你身邊是誰
獨個面對　疾病與藥水　混沌裡應不迷醉

街裡愛人一對對　互送鮮花千杯不醉
你的噩運繼續追　無人扶持行前行後也失據
呆呆張開一張咀　無緣故會滲眼淚　Hey
對你哪有節日會記敘　別活在夢幻裡

需要溫暖的　苦惱生計的
要遭到威迫欺壓的　有啥會引起興趣
失去工作的　不再堅壯的
叫一眾朝不保晚的　期望誰問津一句　Um…

在節日裡　但願有伴侶　現實你身邊是誰
越去面對　越是往下推　獨自對天鬧情緒

街裡愛人一對對　互送鮮花千杯不醉
你的噩運繼續追　無人扶持行前行後也失據
呆呆張開一張咀　無緣故會滲眼淚　Hey
世界哪有節日可嘉許　舒災解困萬歲

普世歡醉　燃狂熱情緒　盡力購物尋趣
你卻沒有睡　進駐垃圾場裡　吃過夜的餅乾碎 WOW

佳節眾人一對對　互送鮮花心意祝福句
你總只靠兩條腿　到處去看哪裡有個家歸去
呆呆張開一張咀　無緣故也會恐懼　Hey
盼會有個節日可嘉許　舒災解困萬歲

衣著矜貴的　飽滿溫暖的　叫身處福中不覺的
這天你有否興趣　聽他訴苦幾句


今日出門口時睇到這首歌mv，我腦海浮現返好多回憶，希望這些回憶片段不再發生，能開心過佳節。

吵架

我一向都好少會同人噪，我根本唔喜歡吵架這個行為，太噪吵了。

吵架是一種溝通的方法，也是增進感情的一種。我真的沒有這種經驗。同朋友噪對我來說是一件不會發生的事，我跟他做朋友已經是接受他的性格、他的缺點。朋友K，總是喜歡向你講一些黑心的說話，明知他是唔低得你好，唔低得你有的心態，你還要跟他噪，罵過他的不是嘛? 由得他發洩，輕輕的回他一句真心安慰的說話，不是來得更好的嘛?
不是我的朋友我更加不會浪費我一滴口水去跟他罵啦! 走開! 免得過自己生氣。

很多朋友跟我講識我過十年都未見我發過一次脾氣或跟別人吵架，很怕我有一日會大發雷霆。我每次回他一句，其實我真的好想同一個人吵一次勁，但我總是沒有什麼可以跟人噪....

明知那男孩在騙、在傷害我，我總是沒痛罵他一場... 或者我真的愛他，又或者我在逃避一切。

朋友M那些愚蠢的行為，曾令我心中的火燃燒過，但我知我怎跟他怎麼說，他會是繼續下去，他已困在局?... 為有時間去証明一切，做朋友的只好在身邊加緊點看緊他。我火又熄了...

尋找又尋找，總是撩不起我的一把火...

眼見一班超過10年的朋友們正在暗湧一團大火中，互相開始在網上有些口角，每次開會大家總幾重的火藥味，大家那些硬頸、火爆、獨立的性格，大家真的可以開心滿足地去做任何件事嘛? 大家既不坦白說出自己的感覺，又各持己見，大家覺得大家不諒解對方的時候，為什麼還要一起呢? 好似一對情侶，大家已經不是愛，只一種感情而維持大家的關係，各有各的生活大家的理想及目標已經不一時，為何不分手維持好朋友的關係，各自再去尋找各自的理想目標呢? 10年的朋友真得不捨得解散，但如果是最好的維持最好的關係的話，我會選擇不捨得。

奇怪世界

奇妙旅程...no..no.... 奇怪旅程 才對!

1. 一群米老鼠很慘地困在小小的氣球裡，還要笑住咁心裡說救命…
2. 在花圃裡有一隻被太陽曬到面黑黑還要笑住歡迎客人的米老鼠…
3. 明明見住巴斯死死下咁同遊客影相，去完休息室的巴斯變得過度活躍，再去休息室回來又變回 死死下的巴斯，巴斯究竟在休息室的短短五分鐘做了什麼?
4. 不算高的我，但有很多很多在街上走來走去的卡通人物都矮小過我，裡面的人是什麼人? 小朋友? 還是我真的算是高的一群人…?
5. 奇妙程應該遊客是有不斷在四處搜尋他們的目的地樂趣，但我從來沒感受到這樂趣的，我行了不足一分鐘已找到我下一個目的地，不雖半小時我一定可以走了樂園一圈了。
6. 住在香港的白雪公主沒有李生那麼富有嗎? 她的城堡為何那麼的矮小?

是我沒有童真，還是我太現實呢? 我完全感受不到奇妙，我覺得它應是黑色的。

萊斯

萊斯: 我想試，必輪我仍然要試..

每次去愛一個人都常向自己說這句話
其實心很痛...


需要預備　提早去預備
至敢跟你　現在說起
長期扮你的好友已太膩
想坦然承認　忠於我自己
然而其實　早有預備　
為失戀預備情願斗膽的　送死
也拒絕　逃逃　避避　白白　靜默至老死
垂頭　自願　放棄　問亦不敢問你


但 我想試，就算必輸我仍然要試...